ДЕНИС ИСТОМИН – НОТТИНГЕМ ЧЕМПИОНИ!
Буюк Британиянинг Ноттенгем шаҳрида Профессионал теннисчилар уюшмаси – АТР туркумига кирувчи “Aegon Nottingham Open – 2015” халқаро турнири якунланди. Унда ҳамюртимиз Денис Истомин юксак савияда ўйин намойиш этиб, бош совринни қўлга киритди.
У мусобақада испаниялик Николас Алмагро, аргентиналик Хуан Монако, украиналик Сергей Стаховский, аргентиналик Лнонардо Майер ҳамда кипрлик Маркос Багдатисни мағлубиятга учратиб, финалга йўл олди. Ҳал қилувчи баҳсда АҚШ вакили Сэм Куэррини ҳар иккала сетда 7:6 ҳисобида енгиб, мусобақа ғолибига айланди.
Денис Истомин шу кунга қадар “Челленжер”, “Фьючерс” ва АТР таснифига кирувчи нуфузли мусобақаларда ўндан зиёд ғалабаларни қўлга киритган.
Нилуфар ҲУСАНОВА
