Яқинда Ўзбекистон Соғлиқни сақлаш вазирлиги томонидан Ўзбекистон Миллий матбуот марказида “Мамлакатимизда кадрлар тайёрлаш Миллий дастурига асосан тиббиёт кадрларини тайёрлаш, уларнинг малакасини ошириш ва мутахассисликка йўналтириш борасида олиб борилаётган ишлар, унинг натижалари ва самаралари” мавзуидаги матбуот анжумани бўлиб ўтди.
Шифокорлар малакасини ошириш ва уларни қайта тайёрлаш масаласи тиббий ёрдам сифатини яхшилаш ҳамда юқори малакали мутахассисларни тайёрлашда ғоят муҳим аҳамият касб этади.
Тадбирда мамлакатимизнинг етакчи олий ўқув юртлари клиник муаммоларни ҳал этишга асосланган модуль таълимини жорий этилгани ҳақида ҳам тўхталиб ўтилди. Мазкур технология жаҳон тиббий таълим амалиётида истиқболли ҳисобланади ва мустақил фикрлашни ривожлантиришга хизмат қилади. Бу бўлажак шифокорни мутахассис сифатида тайёрлаш жараёнида катта ўрин тутади.
Барча фанлар бўйича ўқув-услубий мажмуа электрон ўқув модулларининг инглиз тили нусхалари тайёрланди. Ҳозирда инглиз тилида муаммоли интеграцион маърузалар ўқилмоқда. Талабалар ва ёш олимлар орасида инглиз тилида илмий анжуманлар ўтказиш анъанага айланди.
Узлуксиз таълимни таъминлаш мақсадида врачлар 288 соат, фармацевт ва ўрта тиббиёт ходимларига 144 соат ҳажмидаги ва ҳар 5 йилда малака ошириш мажбурий тартибда белгиланган. Малака ошириш ишдан ажралган ва ишдан ажралмаган ҳолда амалга оширилади.
Тиббиёт ва фармацевтика ходимларига малака тоифасини бериш учун икки босқичли аттестация, компьютер-тест ва оғзаки имтиҳонлар тартиби ишлаб чиқилди. Биринчи босқичда аттестациядан ўтувчи ходимларни масофадан онлайн режимда компьютер-тест синовидан ўтказилади ва иккинчи босқичда юқори малакали кадрлардан тузилган махсус комиссия орқали оғзаки синовлардан ўтказилади.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
СаломатликҲомиладорликда тишларни даволатиш мумкинми?
Ҳомиладорлик – аёл организмида катта ўзгаришлар юз берадиган палла. Хусусан, бу даврда тишлар ва милк билан боғлиқ айрим муаммолар пайдо бўлиши мумкин. Хўш, бундай пайтда аёллар ти
СаломатликЎқувчилар таомномаси қандай бўлиши лозим?
Соғлом фарзанд оила қувончи, ота-онанинг бахти, ҳаёт давомчиси ҳисобланади. Шу боис ҳар бир оилада бола парваришига, унинг соғлом таомланишига алоҳида эътибор қаратилади. Ўғил-қизл
СаломатликОртиқча вазнли инсонлар учун соғлом овқатланишнинг 5 та муҳим қоидаси
1-қоида. Кунда 3 маҳал асосий овқатланиш шарт: – нонушта; – тушлик; – кечки овқат. Асосий таомни имкон борича, қорин очмасдан бир вақтда истеъмол қилиш керак. Шунингдек, асосий овқ
СаломатликЭрталаб нонушта қилишга одатланинг, акс ҳолда…
Баъзилар ишга ёки ўқишга шошилиб, эрталаб тамадди қилишни унутиб қўйса, айримлар нонушта қилишни хоҳламайди. Аммо бу ҳолат мунтазам давом этса, инсон организми учун жиддий оқибатла