“КАМОЛОТ” КУБОГИ ЯКУНЛАНДИ
“Камолот” ёшлар ижтимоий ҳаракати томонидан Олий ва ўрта махсус таълим, Маданият ва спорт ишлари, Ички ишлар, Соғлиқни сақлаш вазирликлари, Ўрта махсус, касб-ҳунар таълими маркази, Болалар спортини ривожлантириш жамғармаси, Ўзбекистон футбол федерацияси билан ҳамкорликда ўтказилган футбол бўйича анъанавий “Камолот кубоги” республика турнири якунланди.
Мусобақанинг минтақавий босқичида ғолибликни қўлга киритган олтита жамоа якуний босқичда ўзаро куч синашди.
Турнирнинг финал учрашуви “Пахтакор” марказий стадионида Сурхондарё вилояти Термиз туманидаги Янгиариқ Қишлоқ хўжалик касб-ҳунар коллежи ва Тошкент шаҳридаги Олмазор Политехника касб-ҳунар коллежи жамоалари ўртасида бўлиб ўтди.
Қизғин ва муросасиз ўтган учрашувда Олмазор Политехника касб-ҳунар коллежи жамоаси 2:0 ҳисобида ғалаба қозонди ва “Камолот” кубогини қўлга киритди.
Т.ОРТИҚОВА
