DO‘STLIK VA TOTUVLIK AYYOMI

Har yili Andijon viloyati “Kamolot” yoshlar bog‘ida “O‘zbekiston – umumiy uyimiz” shiori ostida o‘tkazilib kelinayotgan “Do‘stlik” an’anaviy festivali bu yil ham yuqori saviyada tashkil etildi.

Tadbir doirasida viloyatdagi milliy-madaniy markazlar, kasb-hunar kollejlari, xalq ta’limi muassasalari hunarmandlari tomonidan tayyorlangan amaliy san’at namunalari ko‘rgazmalari tashkil etildi.

– Festival millatlararo do‘stlikni mustahkamlash, yoshlarning bo‘sh vaqtini mazmunli o‘tkazish, ma’naviyatini yuksaltirish, ularning tarkibida ona Vatanga muhabbat tuyg‘ularini uyg‘otishga omil bo‘lmoqda. Tadbirni o‘tkazishdan ko‘zlangan asosiy maqsad ham shu edi, – deydi “Kamolot” YOIH Andijon viloyat Kengashi raisi vazifasini bajaruvchi Doniyorbek Dadaxonov.

Turli millatlar tilida yangragan taronalar esa yig‘ilganlarga ko‘tarinkilik baxsh etdi.

Mahfuza MO‘MINOVA,

Andijon viloyati