SARATONGA QARSHI YANGI VOSITA
Norvegiyaning Bergen universitetining professor Karl-Xenning Kalland boshchiligidagi bir guruh olimlari saratonga yo‘liqqan hujayralarni yo‘q qiluvchi yangi dori vositasini tajribadan o‘tkaza boshlashdi.
Tadqiqot guruhi a’zolaridan biri Si Sun Kening ma’lum qilishicha, laboratoriyada jonivorlar ustida o‘tkazilgan tajribalar davomida yangi dori vositasi o‘simtalarning rivojlanishini to‘xtatgani, ularni kichraytirgani va hatto butunlay yo‘q qilgani kuzatilgan.
Dorini yaratishda saratonni davolashda qo‘llanadigan vositalar bilan bir qatorda Xitoy tabobatida qo‘llanib kelingan dorivor o‘simliklar ekstraktidan ham foydalanilgan.
V.PO‘LATOVA tayyorladi
