KUCHLILAR G‘OLIBLIKKA MUNOSIB
Poytaxtimizdagi “Jar” sport-sog‘lomlashtirish majmuasida taekvondo (ITF) bo‘yicha o‘smirlar, yoshlar va kattalar o‘rtasida O‘zbekiston chempionati bo‘lib o‘tdi. Unda 600 nafardan ziyod sportchi bahslashdi.
O‘zbekiston taekvondo (ITF) federatsiyasi tomonidan tashkil etilgan mazkur chempionatdan ko‘zlangan maqsad iqtidorli taekvondochilarni kashf etish va rag‘batlantirish, terma jamoamiz safiga nufuzli musobaqalarda Vatanimiz sharafini munosib himoya qilishga qodir mahoratli sportchilarni jalb etishdan iboratdir.
Musobaqada Muhammadjon Ahmadjonov, Abubakir Soipov, Azizbek Xudoyqulov, Aziz Muxtorov, Laziz G‘ulomov, Sergey Solovyev, Karima Burhonova, Malika Hoshimova, Sabina Mamanazarova, Iroda Mirzaboyeva, Muxtasar Yusupova g‘olib va sovrindorlar qatoridan joy oldi.
