TEMIR YO’L ORQALI KELGAN YUKLAR TO‘G‘RISIDA ONLAYN MA’LUMOT OLISH IMKONI YARATILDI
Davlat interaktiv xizmatlari Yagona portalida “O‘zbekiston hududiga temir yo‘l transporti vositasida olib kirilayotgan yuklar to‘g‘risida ma’lumot olish” xizmati yo‘lga qo‘yildi.
Ushbu yangi xizmat O‘zbekiston Respublikasi Davlat bojxona qo‘mitasi bilan hamkorlikda ishbilarmonlarga qulaylik yaratish maqsadida tuzildi.
Xizmat tufayli Yagona portaldan ro‘yxatdan o‘tgan foydalanuvchilar temir yo‘l transport vositalari – vagon va konteynerlar qaysi bojxona postida ro‘yxatdan o‘tganligi, shuningdek, yuklarning O‘zbekiston Respublikasi chegarasiga yetib kelishi va o‘tish muddati haqida ma’lumotga ega bo‘lishlari mumkin. Bu haqda portalning rasmiy saytida xabar qilingan.
