FAYZU BARAKA, AHILLIK, FAROVONLIK TIMSOLI
“Danagidan mag‘zi shirin”, deydilar,
Bu o‘zbekka xolis ta’rif, aslida.
Duoga qo‘l ochib, komillik tilab,
Lutf qildi chol bir kun nabirasiga.
– Bolam sog‘lom bo‘lsin e’zozli chog‘da,
Bu niyat orzusi bani odamning.
Bolam, sen bir nihol shu ko‘rkam bog‘da,
Yagona chiroyi sensan, olamning.
Bola javob qildi erkalik bilan,
Chinakam farzandi u zamonaning.
Ta’limin olmoqda qat’iyat ila,
Beg‘ubor Istiqlol degan onaning.
– Bobo, e’zoz topmoq keksalik chog‘da,
Sog‘lom o‘y-fikridir sog‘lom odamning.
Axir, siz navqiron chinor shu bog‘da,
Metin ustunisiz ko‘hna olamning.
Bahodir BAHROM
