KELISHILGAN O‘YIN HAQIDA ANONIM XABAR BERISH MUMKIN
Yevropa futbol assotsiatsiyalari ittifoqi (UEFA) kelishiladigan matchlarga qarshi kurashish maqsadida 7 ta tilda mobil ilova yaratdi. Bu haqda mazkur tashkilot matbuot xizmati xabar bergan.
Yangi ilova yordamida oldindan kelishiladigan o‘yinlar, shuningdek korrupsiya bilan bog‘liq holatlar haqida ma’lum qilish mumkin. Ilovada UEFA murojaatga javob yo‘llash uchun elektron pochta manzilini kiritish imkoniyati mavjud.
Bundan tashqari, UEFA bepul telefon nomerni ham joriy qildi. Unga kelishiladigan matchlar bo‘yicha u yoki bu axborotga ega bo‘lgan kishi anonim sharoitda qo‘ng‘iroq qilishi mumkin.
