Shashti baland Shahodat
Prezidentimiz rahnamoligida bolalar sportini rivojlantirish, ayniqsa, qizlarning bolalikdan sport bilan muntazam shug‘ullanishi uchun sharoit va imkoniyatlar yaratish, ularning professional sportga bo‘lgan qiziqishini rag‘batlantirishga alohida e’tibor qaratilmoqda.
Nukus shahar Olimpiya zahiralari sport kolleji o‘quvchisi Shahodat Jo‘lliboyeva erkin kurash bo‘yicha besh karra O‘zbekiston chempioni va Osiyo chempionati sovrindoridir. Joriy yilda u Xitoyning Nankin shahrida o‘tkazilgan o‘smirlar o‘rtasidagi II Olimpiya o‘yinlarida yurtimiz sharafini munosib himoya qildi.
