SAMARALI TIBBIY DIAGNOSTIKA
Mamlakatimiz sog‘liqni saqlash tizimida izchil amalga oshirilayotgan islohotlar samarasida ko‘plab tibbiyot muassasalarining diagnostika bo‘limlari zamonaviy tibbiy asbob-uskunalar bilan ta’minlanib, bemorlarga aniq tashxis qo‘yish imkoniyatlari kengaymoqda.
Surxondaryo viloyati Sho‘rchi tumani tibbiyot birlashmasiga qarashli Markaziy shifoxonaning qabul-diagnostika bo‘limi “Salomatlik-2” dasturi loyihasi asosida zamonaviy tibbiy asbob-uskunalar bilan jihozlandi. Bu bemorlarga to‘g‘ri tashxis qo‘yish, jigar xastaliklari, buyrak, me’da va me’da osti bezi kasalliklarini tez fursatda aniqlab, davolashda yaxshi samara berayotir.
Farhod ABDURASULOV
(O‘zA) muxbiri
