Кичкина деманг бизни…

“iphone”га мосланган мини-принтерлар

Лондоннинг “Берг” студияси сайтларининг маълумотлари ёки хабарларини эни калта қоғозларда чоп этиш имконини берадиган мобил принтерлар учун буюртмаларни қабул қилишни бошлади. Бу ҳақда, студия блогига асосланиб, “Лента.ру” хабар бермоқда.

“Литтле Принтер” номини олган қурилманинг нархи 199 фунт-стерлинг (салкам 600 минг сўм)га тенг. Кичкина принтерни АҚШ ва Канадада 259 доллар (салкам 500 минг сўм)га сотиб олиш мумкин.

Қурилма учун 14 августдан бошлаб буюртма бериш мумкин, “Берг” эса дастлабки принтерларни икки ой давомида, октябрнинг ўрталаригача етказиб беришни режалаштирмоқда. Қурилмага студия сайтида буюртма бериш мумкин.

Принтер интернетга Этҳернет-кабел орқали уланадиган ва маълумотларни “Литтле Принтер”га симсиз канал орқали узатадиган “БЭРГ Cлоуд Бридге” қурилмаси, турли розеткалар орқали қувват олиш имконини берадиган адаптер ва уч рулон қоғоз билан бирга етказиб берилади.

Фойдаланувчи “Берг” студиясининг сайтига кириб (бу ишни, жумладан, “Iphone” ёки “Андроид” ва “Windovs Iphone” платформасидаги смартфонлар браузеридан ҳам амалга оширса бўлади), “Литтле Принтер”га хабарларни, янгиликларни, об-ҳаво маълумоти, судоку ва бошқа маълумотларни юбориш мумкин. Шунингдек, сайт эгалари ҳам ўз сайтларини кичик принтерда чоп этишга мослашлари мумкин.

“Литтле Принтер” илк бора 2011-йилнинг ноябрида намойиш этилган эди. Қурилма маълумотларни термо-қоғозга, сиёҳдан фойдаланмасдан чоп этади.

Интернет материаллари асосида Фарҳод Толипов тайёрлади.

Яна ўқинг:  Эътироф

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: