Bayramga taraddud
Kuni kecha poytaxtimizda O‘zbekiston Respublikasi Prezidenti huzuridagi Davlat boshqaruv akademiyasi, O‘zbekiston Jurnalistlari ijodiy uyushmasi, O‘zbekiston Milliy teleradiokompaniyasi, O‘zbekiston Milliy axborot agentligi bilan hamkorlikda “Yagonasan, muqaddas Vatanim, sevgi va sadoqatim senga baxshida, go‘zal O‘zbekistonim” nomli o‘quv seminari o‘tkazildi.
Tadbirni O‘zbekiston Respublikasi Prezidenti huzuridagi Davlat boshqaruvi akademiyasi rektori Abdujabbor Abduvohitov kirish so‘zi bilan ochdi. O‘quv seminarida yuqorida nomlari tilga olingan tashkilotlarning yetakchi mutaxassislari tomonidan O‘zbekistonda mustaqillik yillarida turli sohalarda amalga oshirilgan islohotlarning qiyosiy tahlillari va erishilgan yutuqlar, globallashuv davrida ma’naviyatga xavf tug‘dirishi mumkin bo‘lgan tahdidlar va ularning oldini olish hamda mustaqilligimizning 23 yilligini munosib kutib olishda OAVda nimalarga e’tibor berish zarurligi, shuningdek, Prezidentimizning joriy yilda matbuot va ommaviy axborot vositalari xodimlari kuniga bag‘ishlab yo‘llagan tabrigida jurnalistlar oldiga qo‘yilgan dolzarb masalalar xususida so‘z yuritildi.
O‘z muxbirimiz
