Sahifaga sig‘magan satrlar
Farzand oldida eng muhimi tarbiya ko‘zgusini sindirib qo‘yishdan ehtiyot bo‘ling.
* * *
Oilaning sirini to‘rt devor biladi.
* * *
– Nega nuqul iflos joyda yurasan? – deb so‘rashibdi pashshadan.
– Loyimni o‘sha joydan olishgan,-debdi pashsha g‘urur bilan.
* * *
Ishonchsizlikdan gumon paydo bo‘ladi. Gumondan – xato. Xatoni tuzatguncha umr o‘tib ketadi.
* * *
Er-xotinning baxtli umri ikkiga bo‘linadi: biri bolalar, ikkinchisi nabiralar dunyosi bilan yashash.
* * *
Xotinining gapiga kiradigan erdan mardlik kutma.
Ashurali JO‘RAYEV
