Саҳифага сиғмаган сатрлар
Фарзанд олдида энг муҳими тарбия кўзгусини синдириб қўйишдан эҳтиёт бўлинг.
* * *
Оиланинг сирини тўрт девор билади.
* * *
– Нега нуқул ифлос жойда юрасан? – деб сўрашибди пашшадан.
– Лойимни ўша жойдан олишган,-дебди пашша ғурур билан.
* * *
Ишончсизликдан гумон пайдо бўлади. Гумондан – хато. Хатони тузатгунча умр ўтиб кетади.
* * *
Эр-хотиннинг бахтли умри иккига бўлинади: бири болалар, иккинчиси набиралар дунёси билан яшаш.
* * *
Хотинининг гапига кирадиган эрдан мардлик кутма.
Ашурали ЖЎРАЕВ
