Oshxonada tandir?!
Uy sharoitida pishirilib nonushta dasturxoniga tortilgan issiq nonchalik yoqimliroq ne’mat bo‘lmasa kerak. Shunday emasmi?!
Gollandiyalik dizayner Niyeles Datemaning ta’kidlashicha, uning yaratgan ixtirosi ko‘pqavatli uylarda tandir qurish muammosini bartaraf etishda yordam berar ekan. Xamirturush uchun idishcha, unga ishlov berishga yordam beradigan maxsus tegirmoncha, ma’lum ingridiyentalarni aralashtirishga mo‘ljallangan yog‘och kosa, xamirni aralashtirishda yog‘och doska va uncha katta bo‘lmagan tandirchadan iborat mazkur ixtiro oshxonangiz interyeriga o‘ziga xos chiroy baxsh etishi, shubhasiz.
Non – bu rizq-ro‘zimiz hisoblanadi. Shu bois pol ustiga o‘rnashib turadigan mazkur tandir hech kimni e’tiborsiz qoldirmasa kerak.
