Ma’naviy-ma’rifiy kecha o‘tkazildi
Qashqadaryo viloyati Yakkabog‘ tumanidagi Yakkabog‘ sanoat va qayta ishlash kasb-hunar kollejida Muhammad Yusuf tavalludining 60 yilligi munosabati bilan ma’naviy-ma’rifiy kecha tashkil etildi.
Tadbirda shoir ijodi haqida so‘z yuritildi. “Ko‘klamoy” deb nomlangan o‘quvchilar guruhining badiiy chiqishlari ishtirokchilarga bayramona kayfiyat ulashdi. Badiiy kecha o‘quvchilar uchun Vatanni sevish, uni ardoqlash borasida yaxshigina saboq vazifasini o‘tadi. Ayniqsa, shoir she’rlari asosida tayyorlangan sahna ko‘rinishlari yig‘ilganlarda katta taassurot uyg‘otdi.
Dilsabo BOQIYEVA,
kollej o‘qituvchisi
