Kichkintoylarning sevimli maskani

Yurtimiz kelajagi – sog‘lom va barkamol avlodni tarbiyalab, ularni aql-zakovatli qilib voyaga yetkazishda ta’lim va tarbiyaning boshlang‘ich tizimi – maktabgacha ta’lim muassasasining o‘rni nihoyatda muhim.

Poytaxtimizning Olmazor tumanidagi “Yagona shirintoy” nomli 395-sonli maktabgacha ta’lim muassasasida ham bolajonlarimizning sog‘lom va zukko bo‘lib kamol topishlari uchun yetarli shart-sharoitlar mavjud. Ayni paytda MTMda 362 nafar bolajonlar tarbiyalanmoqda. Muassasada mashg‘ulotlar uch tilda olib borilib, tarbiyalanuvchilarning atrof-olam haqidagi tasavvurlarini boyitish maqsadida 12 ta maxsus to‘garaklar tashkil etilgan. Gulnoza G‘ofurova, Muhabbat Hidoyatova, Muyaassar Jo‘rayeva kabi tajribali tarbiyachilarning ish uslublarini namuna sifatida e’tirof etish mumkin.

M.Tolipova