Xabarlar, yangiliklar, voqealar (2014/9)
- 25 февраль куни Ўзбекистон Республикаси Олий Мажлиси Қонунчилик палатасининг навбатдаги мажлиси бўлиб ўтди.
- Қашқадарёда инновацион ғоялар, технологиялар ва лойиҳалар ярмаркаси бўлиб ўтди. Унда Ўзбекистон Республикаси Олий ва ўрта махсус таълим, Қишлоқ ва сув хўжалиги вазирликлари ҳамда бошқа идоралар тасарруфидаги институт, илмий-тадқиқот, тажриба конструкторлик муассасаларининг 140 дан ортиқ технологик ишланмалари намойиш этилди.
- Малайзиянинг Куала-Лумпур шаҳрида ўтган бадиий гимнастика бўйича қизлар ўртасидаги XIII Осиё чемпионатида ўзбек гимнастикачилари муваффақиятли қатнашиб, 16-28 август кунлари Хитойнинг Нанкин шаҳрида бўладиган ўсмирлар ўртасидаги II Олимпия ўйинларига йўлланма олишди.
- Фарғонада ёшларни тадбиркорликка кенг жалб этиш, тадбиркорлик билан шуғулланиш истагида бўлган ёшларни ҳар томонлама қўллаб-қувватлашга бағишланган “Ёш тадбиркорлар – банк эътиборида” мавзусида тадбир бўлиб ўтди.
- Пойтахтимизда шахмат бўйича эркаклар ўртасида Ўзбекистон чемпионати биринчи лигасининг ярим финал босқичи бўлиб ўтди.
