O‘quvchilar chiqishlari harbiylar olqishida
Shayxontohur tumanidagi 10-umumta’lim maktabida «Xotiralar to‘lqini» nomli tadbir o‘tkazildi. Unda o‘quvchilarning jangovor chiqishlari, ular ishtirokidagi sahna ko‘rinishlari va kuy-qo‘shiqlar ishtirokchilarda katta taassurot qoldirdi.
Tadbir mehmonlari bo‘lgan bir guruh mudofaa tizimi xodimlari o‘quvchilarning harbiy kiyimlardagi chiqishlarini gulduros qarsaklar bilan kutib olishdi. Ayniqsa, o‘quvchilarning «Chegarachilar» nomli harbiy jangovor chiqishlari ham barchaga manzur bo‘ldi.
Maryam QODIROVA