Stomatologik muolaja orqali kasallik yuqishi mumkinmi?
Tish davolatish, oldirish, qo‘ydirish, tish toshlarini tozalatish va shu kabi muolajalar qon bilan bog‘liq muolajalar hisoblanadi.OIV infeksiyasi, gepatit V, gepatit S kabi bir qator yuqumli kasalliklarning aynan qon orqali yuqishi hech kimga sir emas.
Stomatolog huzuriga kelganlar kasallik yuqtirib olmasligi
uchun nimalarga e’tibor
berishlari kerak?
– stomatologiya xonasidagi kreslo va tuflagichlarning ozodaligiga;
– stomatolog bemorni rezina qo‘lqopsiz kutib olishi va tekshirishdan oldin yangi qo‘lqop kiyishiga;
– har bir bemor uchun alohida individual asboblar to‘plami bo‘lishiga;
– milkka ukol qilishda qo‘llaniladigan shpritslar, tish ildizi kanallarini tekshiruvchi ignalar, rimerlar (tish kanallarini kengaytirgichlar) kabi qon bilan aloqada bo‘luvchi asboblar bir marotabalik bo‘lishiga;
– tish egovlaydigan bor mashinaning uchliklari sterillanganligiga;
– tish oldirganda yoki davolatganda tish o‘rniga qo‘yiladigan paxta, bintli sharikchalarni steril bankadan olib ishlatilishiga;
– tish qo‘ydirayotganda qolip olish uchun temir qolipchalarni steril stoldan olib ishlatilishiga;
– ishlatayotgan asboblarning nikellari ko‘chmagan va zanglamaganiga alohida e’tibor berishlari kerak.
Manba: sanepidxizmat
