Toshkentda O‘zbekiston yoshlari va talabalari forumi start oldi
Botanika bog‘ida O‘zbekiston yoshlari va talabalari forumining ochilishi bo‘lib o‘tmoqda. «Uchinchi renessans bunyodkorlari» shiori ostida o‘tkazilayotgan tadbirda bir qator uchrashuvlar, tanlov va taqdimotlar bo‘lishi ko‘zda tutilgan.
Forum ochilishida Yoshlar ishlari agentligi direktori Alisher Sa’dullayev ishtirok etdi va yoshlarni bayram bilan tabrikladi:
– Bu yerda O‘zbekistonning eng salohiyatli, qat’iyatli, o‘z sohasining ustasi bo‘lgan bilimli yoshlar yig‘ilgan. Rosti, bunaqa jamoani ko‘rib judayam ta’sirlandim. Har bir yosh o‘z raqobatchilari bilan muloqot qilib, o‘zaro tajriba almashishadi, o‘z sohasi haqida ko‘proq ma’lumot olishadi. Forum karantin talablari doirasida o‘tkazilayotganini hisobga olib barchangizdan tibbiy niqob taqishingizni so‘ragan bo‘lardim. Forumda qatnashayotganingizdan mamnunman. Keling, ko‘ring, fikrlaringizni almashing.
Amal SOLIYEVA
