Vatan ravnaqi – el saodati
O‘zbekiston Respublikasi Konstitutsiyasining 41-moddasida “Har kim bilim olish huquqiga ega. Bepul umumiy ta’lim olish davlat tomonidan kafolatlanadi. Maktab ishlari davlat nazoratidadir”, deb yozilgan.
Bosh Qomusimiz har bir fuqaroning bepul umumiy ta’lim olish huquqini kafolatlaydi.
Bizni har kuni bag‘riga chorlovchi zamonaviy ko‘rinishda qad rostlagan jonajon maktabimiz, keng va yorug‘ sinf xonalarimiz, mehribon ustozlarimiz mustaqillik tufayli bizlarga yaratilgan imkoniyatlar samarasidir. Iqtidorimizni namoyon qilishimiz uchun imkonlar bisyor. Qomusimiz – oftobimiz bayramini shod-u xurramlik bilan nishonlar ekanmiz, tinchliksevar elimizga aslo ko‘z tegmasin, deymiz.
Nodira OMILXONOVA,
“Nafis g‘unchalar” to‘garagi a’zosi
