Hayotda idealsiz yashab bo‘ladimi?
***
Hayotdan va o‘zidan o‘zish uchun odam ideal qidiradi. O‘zishni istamagan odam o‘ziga o‘zi ideal bo‘lib ko‘rinadi.
***
Kishilar ko‘pincha idealni o‘tmishdan qidiradilar, chunki tirik ideallar o‘zlarining qusurlari va illatlarini oshkor qiladi.
***
Yetish mumkin bo‘lgan ideal oxirida o‘kinch uyg‘otadi.
***
Hayotiy idealiga qarab kishi ruhining nimaga mushtoqligini bilsa bo‘ladi.
***
Idealimning hayotiy maqsadi mening ham hayotiy maqsadimdir. Lekin bu idealimning qismati, albatta, mening ham qismatim bo‘lishi zarurligini anglatmaydi.
***
Umr bo‘yi bir idealga intilgan emas, balki butun umr ideallar izlab yashagan menda havas uyg‘otadi.
***
Odam qalbi yetadigan idealga emas, yeta olmaydigan, ammo tinmay o‘ziga chorlaydigan idealga talpinadi.
***
Odamni illatlardan xalos qilmoqchimisiz, unga ezgulikka chorlovchi ideallar bering!
***
Hayotiy idealga qarab kishining qanday tarbiya ko‘rganini aytib bersa bo‘ladi.
***
Ideal sig‘inishga emas, yaratib yashashga undasa, kishini illatlardan xalos etadi.
***
Ideal sevgi ma’budasi emas, u goho suygan kishingdan voz kechishni talab qilishi mumkin.
***
Agar tiynatini yaxshilasa, odamning Ya’juj-Ma’jujni ideal tutgani ham xafvli emas.
***
Idealga topinmaydilar, idealga talpinadilar.
