Maktabda matbuot kuni
Toshkent shahar Bektemir tumanidagi 292-umumta’lim maktabida “Matbuot kuni” tashkil etildi.
Kechada respublikamizda faoliyat yuritayotgan bolalar nashrlari bilan bir qatorda “Sog‘lom avlod” gazetasi hodimlari ham ishtirok etdi.
Tadbirda maktab o‘quvchilari tomonidan tayyorlangan ijodiy chiqishlar va sahna ko‘rinishlari yig‘ilganlarda katta taassurot qoldirdi.
Jurnalistika sohasining qiyin va mas’uliyatli, shu bilan birga sharafli jihatlari to‘g‘risida o‘tkazilgan suhbat bolajonlarda ushbu kasbga bo‘lgan qiziqishni yanada oshirdi.
Mazkur o‘quv muassasida 41 nafar o‘qituvchi 603 nafar o‘quvchilarga ta’lim-tarbiya berib kelmoqda. Maktab joriy yilda to‘liq kapital ta’mirdan chiqarilgan.
Ma’rifat TOLIPOVA
