Jamg‘arma faoliyatidan (2013-42)
Qoraqalpog‘iston Respublikasi jamg‘armaning mintaqaviy filiali tibbiy-ijtimoiy patronaj brigadasi tomonidan To‘rtko‘l tumani tomonidan Ya.Ilamanov ovul fuqarolar yig‘inida «Ona va bola skriningi davlat dasturi» va «Qarindoshga quda bo‘lmang» mavzularida jami 120 nafar o‘smir qiz o‘rtasida davra suhbati o‘tkazildi.
Navoiy viloyati jamg‘armaning mintaqaviy filiali tibbiy-ijtimoiy patronaj brigadasi tomonidan Nurota tumani «Jarma» qishloq vrachlik punktida jami 97 nafar fuqaro o‘rtasida «Erta va qarindoshlar o‘rtasidagi nikohning salbiy oqibatlari» mavzusida ma’ruza o‘qildi. Shuningdek, o‘smirlar o‘rtasida qizlarni oilaviy hayotga tayyorlash, ularni erta turmushga berishning oldini olish bo‘yicha suhbat bo‘lib o‘tdi.
Jizzax viloyati jamg‘armaning mintaqaviy filiali tibbiy-ijtimoiy patronaj brigadasi Zarbdor tumani «Sharq yulduzi» fermer ho‘jaligida tuman xotin-qizlar qo‘mitasi bilan hamkorlikda «Oilada tibbiy madaniyatni shakllantirish» mavzucida paxta-yig‘im terim mavsumida qatnashayotgan 78 nafar ayol uchun davra suhbati uyushtirildi.
Sirdaryo viloyati jamg‘armaning mintaqaviy filiali tibbiy-ijtimoiy patronaj brigadasi Boyovut tumani Agrosanoat kasb-hunar kollejida «OITS va OIV to‘g‘risida bilasizmi?» mavzucida o‘smirlar o‘rtasida davra suhbati tashkil etdi.
Abbosjon ERGASHEV,
«Sog‘lom avlod uchun» xalqaro xayriya jamg‘armasi bosh mutaxassisi
