Ўзбекистонда илк масофавий таълим олийгоҳи пайдо бўлади
25 октябрь куни Тошкент халқаро Вестминстер университети биносида Инновацион Ривожланиш вазирлиги ҳамда Гонгконг, АҚШ, Германия ва Янги Зеландиянинг бир қатор таълим муассасалари билан ҳамкорлик тўғрисида келишув тузилди.
Мазкур ҳужжат “Innoweek” Халқаро инновацион ҳафталиги доирасида имзоланган ўнлаб шартнома ва меморандумлардан фарқли равишда масофадан туриб имзоланди. Хорижий ҳамкорлар мазкур лойиҳага 40,0 млн. АҚШ доллари миқдорида инвестиция киритади. Лойиҳа доирасида олий таълим жараёнига илғор педагогик ва ахборот технологияларини, илм-фаннинг энг сўнгги ютуқларини ва техникаларни жорий қилиш ҳамда масофадан олий маълумотга олмоқчи бўлган талабалар махсус платформадан фойдаланган ҳолда чуқур билимларни эгаллашади.
