9 oyda nikohni bekor qilish bo‘yicha 6 ming 347 murojaat
Fuqarolik ishlari bo‘yicha Toshkent shahar sudidan olingan ma’lumotlarga ko‘ra 2018 yilning 9 oyida sudlarga nikohdan bekor qilish maqsadida jami 6 ming 347 ariza kelib tushgan bo‘lib, shundan 4 ming 401 tasi yakuniga yetkazilgan. Jami tamomlangan ishlarning 3 ming 921 tasi bo‘yicha hal qiluv qarorlari chiqarilgan. Shundan 1 ming 957 tasi, ya’ni 49,9 foiz da’volar qanoatlantirilgan. 1 ming 964 ta da’vo qanoatlantirishdan rad etilib, bu haqda mahalla fuqarolar yig‘inlariga va tumanlar Xotin-qizlar qo‘mitalariga taraflarni kelgusida yarashtirish choralarini ko‘rish uchun yuborilgan.
