9 ойда никоҳни бекор қилиш бўйича 6 минг 347 мурожаат
Фуқаролик ишлари бўйича Тошкент шаҳар судидан олинган маълумотларга кўра 2018 йилнинг 9 ойида судларга никоҳдан бекор қилиш мақсадида жами 6 минг 347 ариза келиб тушган бўлиб, шундан 4 минг 401 таси якунига етказилган. Жами тамомланган ишларнинг 3 минг 921 таси бўйича ҳал қилув қарорлари чиқарилган. Шундан 1 минг 957 таси, яъни 49,9 фоиз даъволар қаноатлантирилган. 1 минг 964 та даъво қаноатлантиришдан рад этилиб, бу ҳақда маҳалла фуқаролар йиғинларига ва туманлар Хотин-қизлар қўмиталарига тарафларни келгусида яраштириш чораларини кўриш учун юборилган.
