Xotira pand bermasin…
Ba’zi odamlar tez-tez depressiya (ruhiy tushkunlik)ga chalinib turishadi, xotiralari susayib, o‘zlarini holsiz sezadilar. Ana shunday paytda tabiiy ne’matlar yordam berishi mumkin.
Bilasizmi, yog‘li baliq omega-3 kislotasiga boy bo‘lib, bu asab tizimining me’yordagidek ishlashi uchun kerak. Bundan tashqari, baliqda yod mavjudki, u tiniq fikrlashga yordam beradi.
Jigar tarkibidagi V guruh vitaminlari tanaga quvvat bag‘ishlaydi, xotirani yaxshilaydi va asabiylikka barham beradi.
Ismaloqda miya hujayralarini zararli ta’sirlardan himoya qiluvchi antioksidantlar mavjud.
Miya faoliyatini qo‘llab-quvvatlovchi, shuningdek, xotirani yaxshilashga javob beruvchi dopamin gormonini uzum sharbatidan topasiz. Ertalab bir stakan ana shunday sharbat ichib, kechqurun bir shingil uzum yesangiz, tez orada natijasini sezasiz.
Qora qorag‘at (smorodina) vitamin S ning koni hisoblanadi. U ham xotirani yaxshilaydi.
Yarim stakan oshqovoq urug‘ida miya faoliyatini tezlashtirishga yetarli miqdorda rux moddasi bor.
