O‘smirlarimiz Olimpiya o‘yinlariga kuzatildi
6-18 oktyabr kunlari Argentina poytaxti Buenos-Ayres shahrida III yozgi o‘smirlar Olimpiya o‘yinlari bo‘lib o‘tadi.
Ushbu nufuzli musobaqada O‘zbekiston delegatsiyasi tarkibida 37 nafar yoshlarimiz sportning 16 turi bo‘yicha bahslarda ishtirok etadi.
Kuni kecha Milliy olimpiya qo‘mitasi binosida ushbu nufuzli musobaqada yurtimiz sharafini himoya qiladigan sportchilarimizni rasmiy kuzatish marosimi bo‘lib o‘tdi. Tadbirda so‘zga chiqqanlar barcha atletlarga bellashuvlarda omad va zafarlar tiladi. Shuningdek, III yozgi o‘smirlar Olimpiya o‘yinlarida delegatsiyamiz bayroqdori vazifasini bajaradigan erkin kurashchimiz Muhammadrasul Rahimovga davlatimiz bayrog‘i topshirildi.
Eslatib o‘tamiz, avvalgi Olimpiya o‘yinlarida o‘smirlarimiz 10 ta medalni qo‘lga kiritishgan edi.
