Endi astmani jarrohlik yo‘li bilan davolash mumkin
Tibbiyotda eng xavfli xastaliklardan biri sifatida astma (ziqqinafas) tilga olinadi. Bu xastalik bilan og‘rigan odamning har kuni jiddiy xavf ostida bo‘ladi.
Ayniqsa, xastalik xuruj qilganda, bo‘g‘ilish jarayoni ko‘plab bemorlarni hayotdan olib ketishi kuzatiladi.
Angliya sog‘liqni saqlash vazirligi mutaxassislari shu kunlarda bemorlarni innovatsion yangi davolash usuli bilan tuzatishga harakat qilmoqda. Usul bronxial termoplastika deb atalib, bemorning ahvolini eng og‘ir vaziyatlarda ham yaxshilash imkoniga ega ekan.
“AstmaUK” xayriya tashkiloti bo‘lim mudiri Jo Farrington-Duglasning gapiga ko‘ra, bronxial termoplastika usuli nafas yo‘llariga joylashib, bir-biriga jipslashgan holda kislorodning yo‘lini to‘sishga asoslangan yassi muskulatura hajmi keskin kamayishini ta’minlab, nafas yo‘llarini ochib yuboradi.
Yuqorida ta’kidlanganidek astmaning eng og‘ir turi ham xuddi shu usul yordamida, jarrohlik amaliyoti orqali chekinishga majbur etiladi.
