Kulgu-shifo (2013-37)
Restoranda
mijoz ofitsiantdan so‘rayapti:
– Bufet yonida nega xizmatchilaringiz to‘planib olib xursandchilik qilishyapti?
– Bizda shunday an’ana mavjud: restoranni yopishdan oldin «Shikoyatlar kitobi»ni ovoz chiqarib o‘qib, bir xursandchilik qilamiz.
* * *
Matematika darsida:
O‘qituvchi:
– Sonlar aslo aldamaydi.Masalan, bir odam dalani 10 kunda chopib bo‘lsa, 10 ta odam o‘sha dalani 1 kunda chopib bo‘ladi.Endi, siz ham shunga o‘xshash misol keltiring.
O‘quvchi (kulib): Agar Atlantika okeanini bir kema 6 kunda bosib o‘tsa, 144 ta kema 1 soatda bosib o‘tadi.
