“Botanika bog‘i”da oilaviy sayr
O‘zbekiston Xotin-qizlar qo‘mitasi tashabbusi bilan akademik F. Rusanov nomidagi “botanika bog‘i”da yangi loyiha asosida ilk marotaba “Oilaviy bog‘ sayri” tadbiri tashkil etildi.
Unda turli sport o‘yinlari, velopoyga, kross yugurish hamda kitob mutolaasiga bag‘ishlangan musobaqalar o‘tkazildi. Multfilm va ertak qahramonlaridan iborat sahna ko‘rinishlari nafaqat bolajonlar, balki ularning ota-onalarini ham quvontirdi. E’tiborli jihati, sayr va ko‘rgazma davomida hayvonot olamini sevish va ularni qog‘ozlarda tasvirlashni o‘rgatuvchi “Mahorat darslari” hamda folklor ijodiy jamoalarining chiqishlari barchaga manzur bo‘ldi.
Dilafro‘z ShUKUROVA,
O‘zbekiston Xotin-qizlar qo‘mitasi matbuot kotibi
