Xalqaro sirk kuni nishonlandi
“O‘zbek Davlat sirki” davlat muassasasida Xalqaro sirk kuni munosabati bilan bayram tadbiri bo‘lib o‘tdi.
“O‘zbek davlat sirki” jamoasi bu yilgi bayram dasturiga ham qizg‘in tayyorgarlik ko‘rgan bo‘lib, tomoshada ko‘rsatilgan qiziqarli dasturlar yig‘ilganlar olqishiga sabab bo‘ldi. Shuningdek, ushbu bayramga Tatariston va Boshqirdistonda xizmat ko‘rsatgan artist Feruza Xoldorova rahbarligidagi “Lyaysan” hamda Maryam Buxarova boshchiligidagi “Izge Nur” ansambllari taklif etilgan bo‘lib, ular tomonidan tashkillashtirilgan chiqishlar tomoshabinlar tomonidan iliq kutib olindi.
Tomosha so‘nggida “O‘zbek Davlat sirki”ning shakllanishida o‘zining yuksak hissasini qo‘shgan faxriylar va umidli, yosh sirk artistlari muassasa tomonidan diplom bilan taqdirlandi.
