Shifokorlar malakasini oshirish uchun yangi markaz tashkil etildi
Toshkentda Innovatsion masofaviy o‘qitish va monitoring markazi hamda Buxoro viloyatida uning sho‘basi ochildi. AQSH Xalqaro taraqqiyot agentligi (YUSAID) O‘zbekiston Respublikasi Sog‘liqni saqlash vazirligi va Respublika ixtisoslashtirilgan ftiziatriya va pulmonologiya ilmiy-amaliy tibbiyot markazi bilan hamkorligida amalga oshirdi.
YUSAID o‘zining Sil kasalligiga qarshi kurashish dasturi orqali markazga video-konferensiya, axborot texnologiyalari va ofis uskunalarini taqdim etdi. Bu Toshkent shahridagi Innovatsion masofaviy o‘qitish va monitoring markazidagi shifokorlarga Buxoro viloyat sil kasalliklari shifoxonasidagi hamkasblari bilan onlayn tibbiy maslahatlar o‘tkazish, sil kasalligiga aniq va tez tashhis qo‘yish, davolash maqsadida bilim va klinik tajriba almashish imkonini beradi. Shuningdek, Markaz mintaqaviy sil kasalliklari muassasalaridagi tibbiy xodimlar uchun masofaviy o‘qitish vositasi sifatida xizmat qiladi.
