Guldasta
Qatra
Bahorni tog‘li hududlarda bodom kutib oladi, shaharda esa o‘rik… To‘g‘rida, ko‘klamda bo‘ladigan tabiat o‘zgarishlarini pisand qilmasdan quyoshga harir qadah uzatishda uning oldiga tushadigani yo‘q…
Poytaxtimizga kiraverishdagi keng va nurafshon yo‘l yoqasidagi o‘rik chunonam gullabdi, chunonam gullabdi! U yo‘lovchilarga bir olam gul tutayotganga o‘xshaydi. Borliqni sutdek oppoq nurga to‘ldirib yuboribdi. Unga qarab entikaman, gullari bodroq novdalari tagida oq xayollarga o‘ralgim keladi… Nogahon, “Do‘stlik” xiyobonidagi Shoahmad ota va Bahri ayalarning haykallariga ko‘zim tushdi. Qarang, bahor haykallarga ham jon bag‘ishlabdi.
…“Do‘stlik” bog‘iga kiraverishdagi yo‘l yoqasida o‘rik gullabdi…
Pardaboy TOJIBOYEV
