Idish yuvuvchi shaffof mashina
”Heatworks” kompaniyasi “Tetra” nomli kichik hajmli idish yuvuvchi mashinani ishlab chiqardi.
Bu mashina 2-3 kishidan iborat oilalar uchun mo‘ljallangan. Kattaligi mikroto‘lqinli agregat hajmiga teng bo‘lgan “Tetra” qurilmasi shaffof qobiq bilan qoplangan bo‘lib, undagi yuvish jarayonini kuzatib turish mumkin. U birvarakayiga 2 kishilik to‘plamli idishlarni yoki 10 ta likopchani yuvadi. “Tetra” suv tarmog‘iga ulanmaydi. Unga suv qo‘lda quyiladi. Buning natijasida 1 yilda 5700 litr suv va ancha miqdorda yuvish vositalarini tejab qolish mumkin. Ishlab chiqaruvchilar hozircha uning bozordagi bahosi 300 AQSH dollaridan kamroq bo‘lishini aytishmoqda.
