O‘zbekiston boks federatsiyasi Osiyoda eng yaxshi bo‘ldi
Osiyo boks konfederatsiyasi yilning eng yaxshilarini aniqlash maqsadida so‘rovnoma o‘tkazdi. So‘rovnoma yakunlariga ko‘ra, O‘zbekiston boks federatsiyasi yaqqol ustunlik bilan ushbu yo‘nalishda tengsiz deb topildi.
O‘zbekiston Osiyo va jahonda boks bo‘yicha yetakchi mamlakat hisoblanadi. Yurtimiz bokschilari 2017 yildagi barcha turnirlarda muvaffaqiyatli qatnashdi. Mamlakat 2017 yilning qit’a chempionatiga ajoyib mezbonlik qildi va yakunda 9 ta oltin medalni qo‘lga kiritdi. Shuningdek, yoshlar o‘rtasidagi Osiyo chempionatida ham yurtimiz yetakchi bo‘ldi. Gamburgda bo‘lib o‘tgan jahon chempionatida bokschilarimiz oltita medalni qo‘lga kirita oldi.
