“Bir safda” OAV nigohida
Milliy matbuot markazida O‘zbekiston ko‘zi ojizlar jamiyatining matbuot nashri “Bir safda” jurnali tahririyati tashabbusi bilan “Nogironlik masalalarini ommaviy axborot vositalari materiallari, boshqa yo‘nalishdagi ijod namunalarida haqqoniy yoritish va umumjamiyatda nogironligi bo‘lgan shaxslarga nisbatan sog‘lom munosabatni shakllantirish bilan bog‘liq ustuvor vazifalar” mavzusida o‘quv-amaliy seminar o‘tkazildi.
Bundan ko‘zlangan maqsad OAV materiallari, boshqa yo‘nalishdagi ijod namunalarida nogironlar va nogironlik masalalari keng qamrovda haqqoniy yoritilishiga erishish, ijodkorlarning xabardorlik darajasini oshirish, ularda mavzuga nisbatan to‘laqonli fikr va sog‘lom munosabatni shakllantirishdan iborat.
