Келгуси йил ҳам юртингизга, албатта, келаман
Тошкентга келганимга уч кун бўлди, – дейди белгиялик сайёҳ Жон Вигбеки. –Тасодифни қарангки, сафарим “Ўзбегим” миллий фестивалига тўғри келибди. Ушбу фестивалда бетакрор ҳунармандлик маҳсулотлари, фольклор қўшиқлари менда катта таассурот қолдирди. Ўзбекистондаги тинчлик-осойишталикка ҳавасим келди, халқингизнинг меҳмондўстлиги, одамлар юз-кўзидаги эртанги кунга ишонч мени ҳайратга солди. Ҳеч қачон, ҳеч қайси юртдан бу ердаги каби гўзал таассуротлар туймаганман. Имкон туғилса, келгуси йил ҳам юртингизга, албатта, келаман.
Шуни айтишим жоизки, юртингиз ноёб маданий ва бой маънавий меросга эга. Замонавий, барча қулайликка эга меҳмонхоналар қурилмоқда, хизмат кўрсатиш даражаси юксалиб, аэропорт ва вокзаллар модернизациялаштирилаяпти. Буларнинг барчаси Ўзбекистонда бўлган сайёҳларга унутилмас таассуротлар бахш этмоқда. Янгидан барпо этилган ҳамда реконструкция қилинган бинолар, жозибадор хиёбонлар ва гулзорлар – ҳамма-ҳаммаси шаҳар қиёфасига фусункорлик бағишлаган. Сўлим боғлар, сержило фавворалар, халқимизнинг юксак яратувчанлик салоҳиятидан дарак берувчи иншоотлар ўзига мафтун этади, унитилмас таассуротлар бағишлайди.
Бугун Тошкентда тайёрланаётган ош Гиннеснинг рекордлар китобига киритилганидан ниҳоятда хурсандман.
“Soglom.uz” мухбири
Хуршида ҲУСЕНОВА
ёзиб олди.
