Юқори холестеринга қарши биринчи вакцина одамда синаб кўришга тайёр
Вена тиббиёт университетида холестерин миқдорини камайтирадиган янги вакцина синовдан ўтказилди. Уни ишлаб чиқувчилар сичқонларда тажриба ўтказиб, ижобий натижа олдилар ва эндиликда клиник синовлар ўтказишга тайёрланмоқда. Вакцина фақат бир вазифани бажаради – чўкиндиларнинг томирга тўпланиб қолишидан ҳимоя қилади. Вакцина иммунитетни PCSK9 оқсили билан курашишга ундайди, шу билан бирга зарарли холестериннинг қон йўлларига тиқилиб қолишдан сақлайди. Умуман олганда, вакцина зарарли холестерин миқдорини 12 ой мудатга 50 фоизга қисқартиради ва атеросклероздан (юрак ва қон томирлари склерози) сақлайди.
Ҳар куни таблетка қабул қилгандан кўра йилда бир марта эмланган маъқул.
Миржалол Мадвалиев тайёрлади.
