“САЛОМАТЛИК” ПОЕЗДИ ҚОРАҚАЛПОҒИСТОНДА
Ҳукуматга қарашли бўлмаган “Соғлом авлод учун” халқаро хайрия фонди томонидан Ўзбекистон темир йўллари” АК ва бир қатор ташкилотлар билан ҳамкорликда ташкил этилган навбатдаги “Саломатлик” поезди “Тошкент – Қорақалпоғистон – Жаслиқ – Тошкент” йўналиши бўйлаб йўлга чиқди.
“Соғлом она ва бола йили” давлат дастурида белгиланган вазифалар ижросини таъминлаш мақсадида ўтказилаётган ушбу тиббий-ижтимоий акция доирасида юртимизнинг экологик ноқулай минтақаларида истиқомат қилувчи аҳоли малакали шифокорлар томонидан чуқурлаштирилган тиббий кўрикдан ўтказилади. Шу билан бирга аҳолининг ижтимоий ҳимояга муҳтож қатламига озиқ-овқат, кийим-кечак, дори-дармон ва санитария-гигиена воситаларидан иборат инсонпарварлик ёрдамини етказиш ҳам кўзда тутилган.
