ТАЭКВОНДОЧИЛАРИМИЗ МУВАФФАҚИЯТИ
Туркияда Таэквондо ВТФ бўйича Ўзбекистон ўсмирлар ва катталар терма жамоаси аъзолари анъанавий равишда ўтказиб келинаётган Turkish Open – 2016 турнирида иштирок этишмоқда.
Анталия шаҳри мезбонлик қилаётган мусобақада Жасур Бойқўзиев, Никита ва Максим Рафалович, Темурбек Ўролов, Валентин Хегай сингари тажрибали спортчиларимиз юртимиз шарафини ҳимоя қилишди.
Улардан 74 кг вазнда иштирок этган Никита Рафалович барча рақибларини мағлубиятга учратиб, олтин медалга сазовор бўлди. 80 кг вазнда қатнашган Максим Рафалович эса финалда туркиялик Юнус Сарига имкониятни бой бериб, кумуш медаль билан тақдирланди. 87 кг вазн тоифасида юртимиз спорт шарафини ҳимоя қилган энг тажрибали спортчимиз жаҳон вице-чемпиони Жасур Бойқўзиев ҳам кумуш медални қўлга киритди. Шунингдек, Светлана Осипова, Мадинабону Манноповалар ҳам кумуш, Гўзал Норбобоева, Нигора Турсунқулова ҳамда Чарос Қаюмова бронза медаллари билан тақдирланишди.
Т. ОРТИҚОВА
