Шўхликнинг оқибати
Ёш болалар қизиқувчанлиги сабабли ўзлари қилаётган ишлари қандай оқибатларга олиб келишини тушуниб етмайди. Сергели 2-даҳасида яшовчи Акмал ака (исми ўзгартирилган) танишидан ижарага олган “Матиз” русумли автоуловини пастда қолдириб, уйига чиқиб кетади. Аммо у “Матиз” автоуловининг орқа эшиги ойнасини ёпишни унутганди.
Кўп вақт ўтмай автоулов ички салони ёнаётганини кўриб тезда ёнғин хавфсизлиги ходимларига хабар берди. Тезда воқеа жойига етиб келган ёнғин хавфсизлиги ходимлари ёнғинни бартараф этишди. Маълум бўлишича, қўшни болалар ўйнаб туриб, автомашина салонига ёниб турган гугурт донасини ташлаган.
Яна шунга ўхшаш ҳолат: 9-10 ёшлар чамасидаги Акмал, Жамшид ва Рустам (исмлари ўзгартирилган) исмли болалар кўчада ўйнаб юрган вақтида гугурт топиб олиб, боғ ёнидаги қуриб турган майсаларни ёқиб юборади. Натижада тилсиз ёв бўлмиш аланга ҳар томон тарқай бошлайди. Боғ ёнидаги хонадонга аланга ўтишни бошлайди. Буни кўрган Жамила опа (исми ўзгартирилган) тезда ёнғин хавфсизлигига хабар беради. Ёнғин хавфсизлиги ходимлари ўз вақтида келиб алангани тезда бартараф қиладилар. Бундай кўнгилсиз ҳодисларнинг олдини олиш учун барчамиз ёш фарзандларимизни назоратдан четда қолдирмасилигимиз керак.
Отабек ХОЛМИРЗАЕВ,
Сергели тумани ИИБ 5-ХЁХО 9-ХЁХҚ кичик инспектори
