Dolzarb mavzuda davra suhbati
Toshkent Moliya institutida “OIV infeksiyasining kelib chiqish tarixi va infeksiyaning paydo bo‘lishi haqidagi nazariyalar” hamda “OIV/OITSning bir-biridan farqi va uning yuqish yo‘llari, patogenezi, epidemiologiyasi, etiologiyasi, kasallikning klinik belgilari va profilaktikasi hamda yoshlar o‘rtasida sog‘lom turmush tarzini shakllantirish” mavzularida davra suhbati bo‘lib o‘tdi.
Tadbirda Respublika OITSga qarshi kurash markazi vrach-epidemiologi G. Sharipova, Respublika Salomatlik va tibbiy statistika instituti uslubiyatchi-shifokorlari A. Shirinova hamda F. Mahsudovalar yoshlarga OIV virusi va uning zararli oqibatlari haqida atroflicha ma’lumot berishdi.
Munozaralarga boy o‘tgan tadbir so‘ngida ishtirokchilari o‘zlarini qiziqtirgan barcha savollarga atroflicha javob olishdi.
U. AGLAYEVA
