Ёруғлик мевалар таъмини ўзгартирмоқда
Флорида (АҚШ) университетининг олимлари мева ва сабзавотларнинг таъми ва ҳидини ўзгартиришни ўрганиб олди.
Бунинг учун уларга ҳосил йиғиб олинганидан кейин, ҳеч қандай кимёвий моддаларсиз, оддий ёруғлик ёрдамида таъсир қилинади. Маълум бўлишича, таъм ва ҳид учун жавоб берувчи моддалар бевосита ёруғлик тўлқинларига боғлиқ бўлар экан. Хусусан, черника меваси инфрақизил нурлар остида янада нордонроқ таъмга, помидорлар эса сувлироқ таркибга эга бўлиши аниқланди.
Шунингдек, таъмни яхшилаш усуллари ҳам топилди. Энди мева-сабзавотларни харид қилгандан кейин уй шароитида ҳам уларни ўзингизга мослаб олишингиз мумкин. Ҳозир олимлар турли мева ва сабзавотларнинг ёруғликка боғлиқлиги бўйича тажрибаларни давом эттирмоқда.
