Чекка ҳудуд аҳолиси эътибордан мамнун
“Соғлом авлод учун” ҳалқаро хайрия фонди Қашқадарё вилояти ҳудудий филиали кўчма тиббий ижтимоий ёрдам бригадаси томонидан қишлоқлар аҳолисига бепул тиббий кўрик ва инсонпарварлик ёрдамлари кўрсатилмоқда.
Бу гал Деҳқонобод туманидаги “Оқработ” ҚФЙда истиқомат қилувчи кўмакка муҳтож 23 та оила ҳолидан хабар олинди. Уларга бепул дори-дармонлар, кийим-кечак, пойабзал, уй-рўзғор буюмлари ва санитария-гигиена воситаларидан иборат инсонпарварлик ёрдамлари етказилди. Шунингдек, “Бешбулоқ”, “Откамар”, “Истиқлол”, “Чучукқудуқ” қишлоқ ва маҳалла фуқаролар йиғинларида яшовчи фуқароларнинг турмуш тарзи, яшаш шароити, муаммолари ўрганилди.
Гулнора ШАРИПОВА,
“Соғлом авлод учун” халқаро хайрия фонди
Қашқадарё вилоят филиали директори
