Yurt madhi qo`shiqlarda
Men istiqlolning baxtli farzandiman. Chunki, ajdodlarim orzu qilgan erkin va obod yurtda kamol topdim va ular niyat qilgan cho'qqilarni zabt etib kelmoqdaman.
Yosh bo'lishimga qaramasdan o'z iste'dodim va yaratilgan imkoniyatlar orqali dunyoning ko'plab joylarida bo'lish nasib etmoqda. Eng quvonarlisi o'sha yurtlarda bo'lib O`zbekistonni, o`zbek san`atini tengdoshlarim qatorida namoyish etmoqdaman. O'zga yurt xalqlarining biz haqimizdagi iliq fikrlarini eshitishga muyassar bo'ldim.
2011-yilda «Nihol» mukofotiga sazovor bo'lishim esa tanlagan yo'lim ko'kka bo'y cho'zayotganini hamda bu yo'l davomida maqsadlar mo'lligini his etdim. O'sha maqsadlar meni hamisha olg'a yetaklaydi. Xalqaro festivallardagi yutuqlarim shularning samarasidir.
Men aslo bu yo'lda tolmayman. O'zbek san'ati juda go'zal. Mening ovozim, yurtim shon-u shavkatini madh etuvchi qo'shiqlarim nasib etsa, nafaqat vatanimda balki, butun dunyoda jarang sochadi.
Mashhurbek RAIMJONOV,
Andijon viloyati
