Қишки олимпиадада ўзбекистонлик спортчилар иштирок этади
Корея Республикасининг Пёнгчанг шаҳрида XXIII қишки Олимпия ўйинлари 9-25 февраль кунларида бўлиб ўтади.
Унда сайёрамизнинг 90 та давлатидан 6 минг 500 дан зиёд спортчи ва расмий шахслар иштирок этиши кутилмоқда.
2018 йилги қишки Олимпия ўйинларида Ўзбекистон шарафини икки нафар спортчи ҳимоя қилади. Булар – фигурали учиш бўйича Миша Ге ва тоғ чанғиси спорти бўйича мамлакат терма жамоаси етакчиси Комилжон Тўхтаев.
Мусобақаларга биринчи бўлиб Миша Ге киришади. У 16 февраль куни “Gangneung Ice Аrena”да фигурали учишнинг қисқа дастурида чиқиш қилса, эртасига эркин дастурда ўз омадини синаб кўради.
Комилжон Тўхтаев 18 февраль куни тоғ чанғисининг гигант слалом баҳсларида иштирок этади. 22 февралда эса слалом бўйича мусобақада қатнашади. Тоғ чанғиси бўйича беллашувлар “Yongpyong Alpine Centre” мажмуасида бўлиб ўтади.
Т. ОРТИҚОВА
